ପସନ୍ଦ ସ୍ଥାନ

ପ୍ରାକ୍-ଐତିହାସିକ ଯୁଗୀୟ ଆଶ୍ରୟ ସ୍ଥଳ ଓ ପ୍ରସ୍ତର ଚିତ୍ର

ଦେବଗଡ ସହର ଠାରୁ ପ୍ରାୟ ୬୫ କିଲୋମିଟର ଦୂରବର୍ତ୍ତୀ ଏବଂ କୁଣ୍ଢେଇଗୋଳା ଥାନା ପାଖରୁ ୫ କିଲୋମିଟର ଦୂରରେ ଅବସ୍ଥିତ କାଞ୍ଜିଆମ ଗ୍ରାମ । ଏହି ଗ୍ରାମରେ ଗୋଟିଏ ଥିବା ପାହାଡରେ ପ୍ରାକ୍-ଐତିହାସିକ ଯୁଗର ଗୁମ୍ଫା ଏବଂ ପ୍ରସ୍ତର ଚିତ୍ର ସମ୍ବଳିତ ଗୁମ୍ଫାର କାନ୍ଥ ରହିଅଛି ଯାହାକି ପ୍ରାକ୍-ଐତିହାସିକ ଯୁଗରେ ମନୁଷ୍ୟମାନଙ୍କର ଆଶ୍ରୟ ସ୍ଥଳ ବୋଲି ବିବେଚନା କରାଯାଏ । ସ୍ଥାନୀୟ ଲୋକମାନଙ୍କ ଭାଷାରେ ଏହି ଗୁମ୍ଫାକୁ “ମଠଗୁମ୍ଫା” କୁହାଯାଇଥାଏ । ଗୁମ୍ଫା ଚିତ୍ର ମଧ୍ୟରେ କିଛି ଜ୍ୟାମିତିକ ଚିତ୍ର, କିଛି ବନ୍ୟପଶୁ ଚିତ୍ର, ମନୁଷ୍ୟ ହସ୍ତ ପାପୁଲିର ଚିତ୍ର, ଅର୍ଦ୍ଧଚନ୍ଦ୍ର ଆକୃତିର ଚିତ୍ର ମଧ୍ୟ ରହିଛି । ଏହିପରି ପ୍ରସ୍ତର ଚିତ୍ର ଜିଲ୍ଲାର ବାରକୋଟ ନିକଟସ୍ଥ ବଳିତା ଗ୍ରାମରେ ମଧ୍ୟ ରହିଛି ।